საერთოსემიტური წარმომავლობის სხეულის ნაწილების აღმნიშვნელი ძირები

ანოტაცია

სტატიაში წარმოდგენილია კვლევის შედეგები, რომლებიც ეხება სხეულის ნაწილების აღმნიშვნელ ერთ თემატურ ჯგუფში გაერთიანებულ საერთოსემიტური წარმო­მავ­ლობის ძირების ანალიზს. კერძოდ,  განსაკუთრებული ინტე­რე­სის საგანს წარმოადგენდა ადამია­ნისა და ცხოველის სხეულის კონტურის განმსაზღვრელი  ნაწილების აღმნიშვნელი ლექსემების თემატუ­რი ქვეჯგუფი, რომელიც იერარ­ქი­ულად უფრო ფართო, სხეულის ნაწი­ლების ლექსიკურ-სემანტიკურ ჯგუფს მიეკუთვნება.  საზოგა­დოდ, ლექსიკურ-სემანტიკური ხასიათის კვლევები მეტად მნიშვნელოვანია თანამედროვე ენათმეცნიე­რებისათვის როგორც ისტო­რიულ-შედარებითი, ისე ზოგადტიპოლოგიური თვალსაზრი­სით.  განხილული მასალის ლექსიკურ-სემანტიკური ანალიზის  საფუძველზე   გამოვლენი­ლია რამოდენიმე ერთეული ძირებისა, რომლებიც ხასიათდე­ბიან ფართო დისტრიბუციითა და სწორი რეგულარული ფონეტიკური შესატყვი­სებით, შედეგად,  შესაძლებელია ექვსი მათგანის აღდგენა პროტოსემიტურ დონეზე შემდეგი მნიშვნელო­ბებით: ’თითი’,  ’ კუდი’,  რქა’,  ’ზურგი’,  ’მკერდი, ძუძუ’ და ’მუცელი’.  ეს მნიშვნელობები გადმოცემულია შემდე­გი საერთოსე­მიტური ძირებით: საერთო­სემიტური *’ṣb‘ – ‘თითი’, საერთოსემიტური *qrn - ‘რქა’, საერთოსემიტური  *dnb – ‘კუდი’,  საერთოსემიტური  * tdy  -  ‘მკერდი, ძუძუ’,   საერთოსემიტური * thr – ‘ზურგი’ და  საერთოსემიტური   *krŝ -  ‘მუცელი’.